पुणे : महाराष्ट्र साहित्य परिषदेतर्फे दिला जाणारा कवी यशवंत स्मृती पुरस्कार या वर्षी ‘भवताल’ या कवितासंग्रहासाठी कवी शांताराम खामकर ऊर्फ श्याम यांना जाहीर झाला आहे. एक हजार रुपये आणि सन्मानपत्र, असे या पुरस्काराचे स्वरूप आहे. स्वप्नील पोरे आणि प्रभा सोनवणे यांच्या निवड समितीने या पुरस्कारासाठी ग्रंथाची निवड केली.
हा पुरस्कार प्रदान समारंभ नऊ मार्च २०१८ रोजी सायंकाळी ६. ३० वाजता ज्येष्ठ साहित्यिक डॉ. रेखा इनामदार-साने यांच्या हस्ते आणि मसापचे कार्याध्यक्ष प्रा. मिलिंद जोशी यांच्या उपस्थितीत महाराष्ट्र साहित्य परिषदेच्या माधवराव पटवर्धन सभागृहात होणार आहे, अशी माहिती कार्यवाह बंडा जोशी यांनी दिली.
कार्यक्रमाविषयी :दिवस : शुक्रवार, नऊ मार्च २०१८
वेळ : सायंकाळी ६.३०
स्थळ : माधवराव पटवर्धन सभागृह, महाराष्ट्र साहित्य परिषद, पुणे